sonicgod

一個論壇如果無人發帖,無人留言,仲係唔係論壇?如果有人發帖,無人回覆,仲係唔係論壇?大家來到論壇都係希望互相討論下一d事情,發表一下意見!如果因為有人發言多左就話佢洗版,灌水,呃分!剷左佢個戶口!最終呢個論壇就會無人敢留言,變成死壇!舉例:香港既扭計骰玩家,大多數都只係會玩2x2至7x7既扭計骰!好少人會玩個d奇形怪狀既高難度既骰!如果我經常發表文章,長篇大論教人點樣玩呢d好少人玩既骰!大家睇到都會覺得好煩!人地都無興趣玩呢d野,整咁多文章出來做乜?跟住就覺得我係度洗版,灌水,呃分!然後就剷我戶口喇!講真,論壇d分又唔可以變真錢!d分數最多咪用來升級,升到做左管理員咪剷左我個戶口咯!我個真身你又消滅唔到!我呃你d分來托咩?正所謂:"過門都係客!"難得人地賞面來你個論壇講野,只要d留言唔係不斷重複,九唔搭八,散播謠言或者有犯罪成份 . . . . . .咪由得佢講下野咯!岩睇咪睇下!唔岩睇咪唔好理佢咯!長期無人發帖,留言,d人都唔會再上呢個論壇啦!